Ndị òtù Indigenous People of Biafra (IPOB) adọọla ndị gọvanọ anọ nọ n’ala Igbo aka na ntị ka ha hapụ ime njem gaa mba ofesi ma ọ bụrụ na ha achọghị ka ha wakpoo ha.
Ọ bụ onye ndu ha bụ Nnamdi Kanu nyere iwu a n’ozi ọgbasara n’ụbọchị Sọnde site na redio biafra.
Ndị òtù a na-achọ nnwere onwe, nọrọ n’ụbọchị Satọdee wakpo ma kụọ osote onyeisi ụlọ nzụkọ omeiwu ala anyị n’oge gara aga bụ Ike Ekweremadu ihe dịka ọ gara njem na mba Gamanị. Ekweremadu gbara ọsọ ndụ dịka ndị òtù a gbakọrọ ma kụọ ya ihe.
Ndị gọvanọ ndị a gunyere Dave Umahi (Ebonyi), Ifeanyi Ugwuanyi (Enugwu), Willie Obiano (Anambra) na Okezie Ikpeazu (Abia).
Onye gọvanọ sị ala Igbo n’esoghị na ya bụ aka na-achị steeti Imo bụ Emeka Ihedioha.